Home Archivio XII Edizione - 2011 Premio Trinacria 2011

Concorsi letterari.net

Concorsiletterari.net banner
Premio Trinacria 2011
Di seguito la poesia che ha vinto il Premio Trinacria del 2011

Viva la Sicilia, Viva l'Unità d'Italia
di Salvatore Amico

...e, vinni Garibardi, l’eroi di li dui munni,

nni la nostra Sicilia, acclamatu

di lu populu tuttu, comu parènti

di Santa Rusalìa, la Santuzza

di Palermu, ca di cognomu

facìa Sinibaldi!

Lu spusalìzziu di li Taliàni e

Piemuntisi, distinatu, fu,

a durari ‘nna rancatèdda,

comu cuntava Peppi Pitrè in

un cantu populari di li tempi:

<<Vinni lu Taliànu: ccù du’

mazzi di carti in manu: sangu

di ccà, sangu di ddà!

La tassa mobili divi pagà>>.

A lu postu di libberari la populazziòni,

si dimostraru conquistatura comu l’autri:

Fenici, Greci, Romani, Arabi,

Francisi, Spagnoli, Angioini.

Sta “Mala Signurìa”, comu viniva

chiamata di li Siciliani,

affussà la nostra economìa.
Tanti mastri, artigiani eccellenti,

partìru cu ‘nna valìggia di cartuni

e lu cori strittu, strittu nni lu pèttu,

in cerca di furtùna.

Òj, dicimmu ca semu, tutti, Taliàni,

‘nfasciati nni lu stessu triculuri.

Picca o nenti cancià, rispettu

a li tempi di Garibardi, sulu,

‘nna valìggia, ca nun è cchiù di cartuni,

ma un trolley tinciùtu e un pezzu

di carta in manu, ‘nna làuria

senza valuri arcunu!

Di tuttu chistu, picca si parla,

picchì, pi li cuvirnanti ca parlanu

tantu e nun cunchiùdunu nenti,

nun voli essiri un problema!

Viva la Sicilia e l’unità d’Italia!